Jarum béker nikreuh muter
Angka teu bosen diider
Detik menit henteu leungit
Itungan jam teu kaliwat
Tanggal bulan na almenak
Tuduh wanci nu katincak
Tangara hambalan mangsa
Saban poéna dihanca
Ditempo mun rajeun poho
Nu kedal ngan euleuh geuning
Asa cikénéh kamari
Tanggal hiji Januari
Ayeuna geus tilu hiji
Désémber rék pamit deui
Isukan téh ganti taun
Hirup ngurangan sataun
Teu karasa ngasuh laku
Tara nginget – nginget waktu
Komo malikan jarami
Ngitung léngkah nu kamari
Pangreureuhan, 31 Desember 2025
#SAK
Tidak ada komentar:
Posting Komentar